Ғолибони озмуни “Мураббии сол-2015” муайян шуданд

Душанбе, 20.11.2015. (АМИТ Ховар).-19 ноябр дар толори Кӯдакистони президентии шаҳри Хуҷанд даври дуюми озмуни “Мураббии сол-2015” баргузор шуд. 
Дар натиҷа аз 6 довталаб дар  даври дуюми озмун мураббия Садоқат Атаева аз кӯдакистони №9-и ноҳияи Б.Ғафуров ва мураббия Муқаддас Ҷӯраева аз Кӯдакистони президентӣ ҷойи якум, мураббия Ҷамила Бобомуродова аз кӯдакистони №1-и шаҳри Панҷакент ва мураббия Таҳмина Зиёева аз кӯдакистони №18-и шаҳри Хуҷанд ҷойи дуюм, мураббия  Шаҳноза Бобоева аз кӯдакистони №1-и ноҳияи Ғончӣ ва мураббия Мавлуда Юнусова аз кӯдакистони №4-и шаҳри Чкалов ҷойи сеюмро ишғол намуданд.
Мураббия Садоқат Атаева аз кӯдакистони №9-и ноҳияи Б.Ғафуров ва мураббия Муқаддас Ҷӯраева аз Кӯдакистони президентӣ  ғолиби даври дуюми озмун гардида, ҳуқуқи иштирок ба даври  озмуни ҷумҳуриявии “Мураббии сол”- ро пайдо намуданд.
Дар ин бора аз Хадамоти матбуоти вилояти Суғд хабар доданд.