Омодагии варзишгарони тоҷик ба Олимпиадаи соли 2016
Душанбе, 21.11.2015 (АМИТ «Ховар»).- Дар ҷаласаи кумитаи иҷроияи Кумитаи миллии олимпии Тоҷикистон, ки 20 ноябр дар Душанбе барпо гардид, масъалаи омодагии варзишгарони тоҷик ба Бозиҳои тобистонаи олимпии соли 2016 дар Рио-де-Жанейрои Бразилия мавриди баррасӣ қарор гирифт.
Ба иттилои Муҳаммадшо Абдуллоев, мудири кулли Кумитаи миллии олимпии Тоҷикистон варзишгарони тоҷик, ки ба гирифтани стипендияҳои олимпӣ мушарраф шудаанд, барои омодагӣ ва ширкат дар мусобиқоти литсензионӣ барои ба даст овардани роҳхатҳо ба Бозиҳои тобистонаи олимпии соли 2016 талош доранд. Аз байни онҳо то ҳоло танҳо як нафар — гурзандоз Дилшод Назаров соҳиби роҳхати олимпӣ шудааст.
Тавре ки аз Маркази матбуоти Кумитаи миллии олимпии Тоҷикистон хабар доданд, дар ҷаласаи мазкур, ки таҳти раёсати дабири кулли Кумитаи миллии олимпии Тоҷикистон Баҳрулло Раҷабалиев сурат гирифт, муовини раиси Кумитаи ҷавонон, варзиш ва сайёҳӣ, раиси Федератсияи варзиши сабуки кишвар Дилшод Назаров, раиси Федератсияи гӯштини озод ва гӯштини юнониву румӣ Саламшо Муҳаббатов, муовини раиси Федератсияи футболи Тоҷикистон Дилшод Ҷӯраев ва сардори шуъбаи варзиш ва маълумоти олимпии Кумитаи миллии олимпӣ Маҳмуд Абдуллоев роҷеъ ба омодагии варзишгарони тоҷик ба Олимпиадаи соли 2016 таклифҳои судманд пешниҳод карданд.
Дар ҷаласа Муҳаммадшо Абдуллоев, роҳбари дастаи мунтахаби олимпии Тоҷикистон дар Бозиҳои XXXI тобистонаи олимпии соли 2016 дар Рио-де-Жанейрои Бразилия таъйин гардид.
Инчунин бо тасмими кумитаи иҷроия комиссияҳои доимии Кумитаи миллии олимпии Ҷумҳурии Тоҷикистон тасдиқ шуд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
