«Парчамат бодо парафшон, Тоҷикистон»-ҳамоиш дар Нуробод

Нуробод,16.11.2015. (АМИТ «Ховар»).- Бо мақсади дар  сатҳи баланд таҷлил намудани  рӯзи  Парчами Ҷумҳурии Тоҷикистон  имрӯзҳо  дар ҷамоатҳои шаҳраку деҳоти  ноҳияи Нуробод    бо  иштироки фаъолон,  аҳли фарҳангу ҳунар  ва ҷавонон  конфронсу  маҷлисҳои тантанавӣ  ва мусобиқаҳои варзишӣ  ҷараён доранд.  Инчунин дар хиёбонҳо, роҳҳои маркази ноҳия ва ҷамоатҳо Парчами давлатиро насб доранд.  
 Дар назар аст, ки то рӯзи 24 ноябри соли равон дар маркази  ноҳия  мизи мудавар дар мавзӯи   «Парчамат бодо парафшон Тоҷикистон»  баргузор гардад.   Рӯзи 24 ноябр дар маркази ноҳия  бо иштироки  ду ҳазор нафар  роҳпаймоӣ,  маҷлиси тантанавӣ, ярмаркаи фурӯши маҳсулоти кишоварзӣ ва барномаҳои консертӣ  баргузор мегарданд.