Пешгирии шомилшавии ҷавонон ба гурӯҳҳои ҷиноятпеша

Душанбе. 4.11.2015. (АМИТ «Ховар»).-Дар самти пешгирии шомилшавии ҷавонон ба гурӯҳҳои ҷиноятпеша, ҳизбу ҳаракатҳои терористию ифротгаро, тамоилҳои бегонапарастӣ ва ба ин васила тарбия намудани насли наврас дар руҳияи эҳтиром ба Ватан, қонун, арзишҳои миллӣ байни роҳбарон ва намояндагони сохторҳои ҳифзи ҳуқуқ, раисони кумитаи маҳаллаҳо, намояндагони рӯҳониён ва варзишгарони шаҳри Хуҷанд мулоқот доир гардид.
Дар мулоқот сардори шуъбаи раёсати Кумитаи амнияти миллии ҶТ дар шаҳри Хуҷанд Шодиҷон Тӯраев, сардори шуъбаи ВКД ҶТ дар шаҳри Хуҷанд Эмин Ҷалилов, дотсенти кафедраи «Таърихи ватан»-и Донишгоҳи давлатии Хуҷанд Шавкат Шарипов, имом-хатиби масҷиди ҷомеи ба номи «Ихлос»-и шаҳри Хуҷанд Абдуҳамид Ғаниев доир ба  максадҳои ғаразнок ва нопоки роҳбарону пайравони ин гурӯҳҳои зиддидавлатӣ, ки аз номи дини Ислом ҳарф зада, барои  мардум бадбахтию  ноамнӣ, хунрезию харобӣ меоранд, сухан гуфтанд.