Роғун: чорабиниҳои идона ба ифтихори ҷашни Сарқонун

Роғун, 3.11.2015. (АМИТ «Ховар»).- Конститутсияи (Сарқонуни) Ҷумҳурии Тоҷикистон ҳамчун бахтномаи миллат роҳи минбаъдаи пешрафту тараққиёти давлати озоду демократии моро муайян менамояд. Ба истиқболи 21-солагии Рўзи  Конститутсияи (Сарқонуни) Ҷумҳурии Тоҷикистон дар мактабҳои таҳсилоти миёнаи умумии шаҳри Роғун маҷлисҳои тантанавӣ, конфронсҳо ва хонишҳои бадеӣ гузаронида шуданд.
Инчунин дар қисми ҳарбии 051058-и Гвардияи миллӣ, Коллеҷи муҳандисию техникӣ, Омўзишгоҳи тиббии шаҳри Роғун конфронсҳои илмию адабӣ бахшида ба 21-умин солгарди Рўзи Конститутсияи (Сарқонуни) Ҷумҳурии Тоҷикистон баргузор гардиданд, ки дар онҳо  намояндагони мақомоти иҷроияи маҳаллии ҳокимияти давлатии шаҳр ва омўзгорону донишҷўён дар мавриди ҷашни Конститутсия маърўза карданд.