«Сабоҳ»-дидбонгоҳи сарҳадии нав ба истифода дода шуд
Душанбе, 3. 11. 2015. (АМИТ «Ховар»).-31 октябри соли 2015 дар арафаи ҷашни Сарқонуни Ҷумҳурии Тоҷикистон дар қисми ҳарбии 2044-и Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияи Мастчоҳи кӯҳӣ чорабинии ботантана бахшида ба истифода додани бинои нави дидбонгоҳи сарҳадии «Сабоҳ» баргузор гардид.
Иштирокдорон ба афсарон ва сарбозон дар хизмати ҳамарӯза саломатӣ, ҷасурӣ ва бурдборӣ орзу намуда, тақозо намуданд, ки дар ҳифзи марзу буми кишвар бо сари баланд саҳми худро гузоранд.
Сохтмони дидбонгоҳи сарҳадӣ бо дастгирии Сарфармондеҳи Олии Қувваҳои Мусаллаҳ — Президенти Ҷумҳурии Тоҷикистон Эмомалӣ Раҳмон аз тарафи Дирексияи сохтмони иншооти ҳукуматии Дастгоҳи ичроияи Президенти Ҷумҳурии Тоҷикистон сохта шуда, дорои ҳамаи шароитҳо ва утоқҳо барои фаъолияти сарҳадбонон мебошад.
Бинои нави дидбонгоҳи сарҳадии «Сабоҳ» дар дараи баландкӯҳ, дар марзи Тоҷикистону Қирғизистон ҷойгир гаштааст ва сарҳадбонон дар фасли зимистон дар шароити ниҳоят вазнини иқлимӣ марзро муҳофизат менамоянд.
Ба афсарони фаъол барои ба натиҷаҳои назаррас расидан аз номи Фармондеҳи қӯшунҳои сарҳадии КДАМ ҶТ ифтирхономаҳо, нишонҳои сарисинагӣ супорида шуданд.
Дар ин бора аз маркази матбуоти Сарраёсати қӯшунҳои сарҳадии КДАМ Ҷумҳурии Тоҷикистон хабар доданд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
