Сарбанд: Мубориза бар зидди ВИЧ СПИД

Душанбе, 20.11.2015. (АМИТ «Ховар») — 1-уми декабр Рӯзи байналхалқии мубориза бар зиддии  ВИЧ СПИД эълон гардидааст. Бо ин мақсад  Кумитаи иҷроияи ҲХДТ дар шаҳри Сарбанд дар ҳамкорӣ бо  намояндагии ТҶҶ «Созандагони Ватан» , Мақомоти иҷроияи маҳаллии ҳокимияти давлатӣ дар  шаҳри Сарбанд дар муассисаи таҳсилоти миёнаи умумии №2  бо хонандагони синфҳои болоии муассисаҳои таълимии шаҳр ҷамъомад баргузор намуд. Дар ҷамъомад  Н. Қурбонова -муовини раиси шаҳри Сарбанд, А. Изатуллоев- сардухтури Беморхонаи марказии шаҳр,  Ҳ. Мусаввиров, З. Нодирова -намояндагони Маркази миллии мониторинг ва пешгирии нашъамандӣ дар вилояти Хатлон  ба ҷавонон оид ба  роҳҳои сироятёбӣ, табобатнашаванда будан, доштани хатари ҷиддӣ ба мавҷудияти инсон ва роҳҳои пешгирӣ аз  бемории  ВИЧ СПИД маълумот дода, бар зидди он мубориза бурданро таъкид намуданд.