Семинари бозомӯзӣ оид ба «Барномаи давлатии маърифати экологӣ»

Душанбе, 02.11.2015. (АМИТ «Ховар»). -30 октябри соли равон дар Корхонаи воҳиди “Қитъаи душанбегии роҳ”- и КВД «Роҳи оҳани Тоҷикистон» семинари омӯзишии сатҳи баланд доир гардид. Мавзӯи семинар дар доираи омӯзиши «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон  дар давраи то соли 2020» буда, дар он муовини аввали сардори КВД «Роҳи охани Тоҷикистон» Баҳром Шодиев  ва муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Ойхон Шарифова сухан гуфтанд.
Дар семинар дар бораи зарурати кабул ва мақсаду вазифахои  барномаи давлатии  маҷмӯавии маърифати экологии аҳолӣ, ки муҳлати иҷрои он давраи то соли 2020-ро дар бар мегирад,  ҳарф заданд.    Ҳамзамон дар доираи мавзӯъҳои баррасишуда ва дигар масоили дахлдори ҳифзи муҳити зист, ки роҳиоҳанчиён дар  фаъолияти кории худ ба он мувоҷеҳ мешаванд, ба масъулони соҳаи ҳифзи муҳити зист суолҳои зиёде пешниҳод шуданд. 
Иштирокдорони семинар аз фаъолияти кормандони КВ “Қитъаи душанбегии роҳ”- и КВД  «Роҳи оҳани Тоҷикистон» ва МД «Боғи Ирам» дар шаҳри Душанбе  дидан карданд.