Собиқадорони Хатлон бо ҷавонон равобити зич доранд

Душанбе, 03.11.15. (АМИТ «Ховар»). — Вақтҳои охир масъалаи  тарбияи ҷавонон  дар  рӯҳи  ватандӯстӣ  аҳамияти ҳар  чи  бештар   пайдо  менамояд,  зеро  ояндаи  кишварамон  вобаста ба  онҳост.  Дар  пленуми  Шӯрои собиқадорони ҷангу  меҳнати  вилояти  Хатлон, ки  масъалаи  асосиаш  иборат  аз  муҳокимаи  тарбияи  насли  наврас  буд,  дар  ин  бора  сухан ронда шуд. 
 Тавре  ки   раиси   Шӯрои   собиқадорони  ҷангу  меҳнат  Амон  Боев  изҳор  дошт,  имрӯз  бояд корҳои  тавзеҳотии байни  ҷавонон вусъат  дода, ҷавонон  ба иҷрои   корҳои  муфид ҷалб  намуда, дар   шаҳру ноҳияҳои  вилоят вохӯриҳо  бо  ҷавонон  ташкил  карда шавад.
Собиқадорон  ҳамчунин воқеаҳои  охирини  марбут ба  фаъолияти  ғайриқонунии ҳизби  манъшудаи  ҲНИТ — ро маҳкум  намуданд.
Дар  пленум  натиҷаи  озмуни  вилоятӣ  бахшида ба  70 — солагии Ғалаба дар Ҷанги  Дуюми  Ҷаҳонӣ  ҷамъбаст  гардид.