СПЕКА Эъломияи махсус қабул хоҳад кард
Душанбе, 10. 11. 2015. (АМИТ «Ховар»).-Анҷумани иқтисодии СПЕКА-2015 ва ҷаласаи 10-уми Шӯрои роҳбарикунандаи СПЕКА ҳоло дар Душанбе идома дорад. Муовини вазири рушди иқтисод ва савдо, раиси гурӯҳи кории лоиҳавии СПЕКА оид ба савдо Саидраҳмон Назриев зимни мусоҳиба бо хабарнигори АМИТ Ховар гуфт, ки барномаи СПЕКА аз 7 кишвари аъзо- Ҷумҳурии Тоҷикистон, Ҷумҳурии Исломии Афғонистон, Ҷумҳурии Озарбойҷон, Ҷумҳурии Қазоқистон, Ҷумҳурии Қирғизистон, Туркманистон ва Ҷумҳурии Ӯзбекистон иборат аст.
Фаъолияти СПЕКА асосан барои инкишофи ҳамкории минтақавӣ дар иқтисодиёти кишварҳои Осиёи Марказӣ равона шуда, дар ҷаласаҳои он раванди инкишофи ҳамкории минтақавӣ дар соҳаҳои иқтисодиёт, нақлиёт, обу энергетика, технологияи иттилоотию коммуникатсионӣ баррасӣ мегарданд. Татбиқи Барномаи СПЕКА тавассути дастгирии кишварҳои кумакрасон, созмонҳои байналмилалӣ ва дар асоси принсипи ҳамкорӣ ба роҳ монда шудааст,-илова намуд Саидраҳмон Назриев.
Дар доираи СПЕКА шаш гурӯҳи кории лоиҳавӣ оид ба захираҳои обию энергетикӣ, нақлиёт ва убури сарҳад, савдо, омор, рушди иқтисодиёт, масъалаҳои гендерӣ ва иқтисодиёт фаъолият мекунанд.
Дар доираи Анҷумани иқтисодии СПЕКА-2015 баргузории панҷ ҷаласаи корӣ дар назар аст. Баъди ҷаласа дар назар аст, ки пагоҳ Эъломияи махсус қабул гардад,- изҳор кард муовини вазири рушди иқтисод ва савдои Тоҷикистон.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
