Спитамен: Тифли навзодро 10 000 сомонӣ фурӯхтанд

Душанбе, 10.11.2015. (АМИТ «Ховар).-Дар натиҷаи бурдани чорабиниҳои фаврӣ-ҷустуҷӯӣ аз ҷониби кормандони милитсия зани 27-солаи сокини ноҳияи Спитамен бо гумони фурӯхтани тифли навзоди худ дастгир  шуд. 
Номбурда писарчаи якмоҳаи худро рӯзи 6-уми ноябр дар хонаи истиқоматиаш ба оилаи ҷавони сокинони ҳамин ноҳия ба маблағи 10 000 сомонӣ фурӯхтааст. Нисбат ба ин ҳодиса парвандаи ҷиноятӣ оғоз гардида, тафтиш идома дорад.