Суғд: даъвати тирамоҳӣ беш аз 94 дарсад иҷро шудааст
Хуҷанд, 07.11.2015. (АМИТ «Ховар»).-Дар арафаи таҷлили Рӯзи Сарқонуни Ҷумҳурии Тоҷикистон нақшаи даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон дар вилояти Суғд 94,3 дарсад иҷро шудааст. 5 ноябр масъулини комиссариати ҳарбии шаҳри Исфара аз иҷрои нақшаи даъвати тирамоҳӣ мужда доданд.
Тавре ки ба АМИТ “Ховар” роҳбари маркази матбуотии мақомоти шаҳри Исфара Иқбол Тешаев иттилоъ дод, дар даъвати тирамоҳии имсола аз шаҳри Исфара 220 ҷавони ватандӯсту баору номус ба сафи артиши миллӣ равона шуданд.
Ба гуфти манбаъ, комиссариати ҳарбии шаҳри Исфара ҳамасола дар маъракаи даъвати наваскарон дар вилоят яке аз пешсафон ба ҳисоб рафта, дар шаҳр корҳои тарбиявию роҳандозии ҷавонон, хизмат ба Ватан, содик будан ба кишвару сарзамини худ, дар сатҳи хуб ба роҳ монда шуда, ҳамасола шумораи ҷавонони бошарафе, ки бо хоҳиши худ ва ихтиёран ба хизмати ҳарбӣ мераванд, тадриҷан зиёд мегардад.
Дар умум дар вилоят ҳоло шаҳру ноҳияҳои Исфара, Кӯҳистони Мастчоҳ, Зафаробод, Қайроққум, Истиқлол, Шаҳристон, Спитамен, ҷамъ 12 минтақаи вилоят пеш аз муҳлат аз иҷрои нақшаи даъвати тирамоҳӣ баромаданд. Боқимонда 6 комиссариати шаҳру ноҳияҳои вилоят тасмим доранд то 10 ноябр аз иҷрои нақша мужда расонанд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
