Суғд: Нақшаи даъвати тирамоҳӣ 100,4 фоиз иҷро шуд

Душанбе, 17.11.2015. (АМИТ «Ховар»).-Аз Комиссариати ҳарбии вилояти Суғд хабар доданд, ки 14 ноябр, яъне пеш аз муҳлат нақшаи даъвати тирамоҳӣ 100,4 фоиз иҷро шудааст.
Ёдовар бояд шуд, ки моҳҳои октябр-ноябри соли 2015 ҷавонони то рӯзи даъват ба синни 18 расида, инчунин ҷавонони синни калонтари Ҷумҳурии Тоҷикистон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон, қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, қӯшунҳои дохилии Вазорати корҳои дохилии Ҷумҳурии Тоҷикистон, қӯшунҳои мудофиаи граждании Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Бригадаи посбоникунандаи Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон даъват  мешаванд.