Таркиш дар Нигерия

Душанбе, 18.11.15. (АМИТ «Ховар»). — Бар  асари таркише, ки  шоми  рӯзи  сешанбе  дар  бозори   шаҳри Йоли иёлати Адамаваи Нигерия  рух дод, 32  нафар ҳалок гардида, 80  нафар захм  бардоштанд.  Назар  ба  иттилои ТАСС,  намояндагони  хадамоти  миллии Нигерия  дар  ин  бора  хабар  додаанд. 
«Таркиш баъди  адои   намози  шом, ки  мардум  масҷидро  тарк   менамуданд, рух дод», —  гуфт яке  аз  шоҳидони воқеа.
Ҳанӯз ягон  созмони террористӣ масъулияти таркишро ба  дӯши  худ  нагирифтааст. Вале,  ба  фикри  мушоҳидон, ин  ҷинояткорӣ амали гурӯҳи  радикалии  «Боко ҳарам» мебошад, ки  дар  иёлати Адамава  ва  минтақаҳои  дигари шимолу  шарқи  Нигерия  доимо ба  тахрибкорӣ  даст  мезанад.