Ташкили фоҳишахона дар манзили истиқоматӣ

Душанбе, 20.11.2015. (АМИТ «Ховар»). -19- уми ноябр, зимни гузаронидани чорабиниҳои фаврӣ-ҷустуҷӯӣ кормандони милитсия сокини 59-солаи шаҳри Душанберо бо гумони ташкил ё нигоҳдошти фоҳишахона дастгир намуданд. Муайян шуд, ки гумонбаршуда 29-уми октябри соли равон, хонаи истиқоматиашро ба фоҳишахона табдил дода, ба шаҳрвандон: марди 26-сола ва зани 23-сола, сокинони шаҳри Душанбе, барои алоқаи ҷинсӣ намудан шароит фароҳам оварда, аз онҳо 200 сомонӣ гирифтааст. Аз рӯи ин ҳодиса парвандаи ҷиноятӣ оғоз гардида, тафтиш  идома дорад.