Ҳуқуқи зан дар ҷомеаи имрӯзаи Тоҷикистон

Душанбе, 13. 11. 2015. (АМИТ «Ховар»).- Дар  шаҳри Кӯлоб бо ташаббуси Шуъбаи кор бо занон ва оилаи мақомоти иҷроияи ҳокимияти давлатии шаҳри Кӯлоб ва Ташкилоти ҷамъиятии «Ҳуқуқи инсон» дар доираи лоиҳаи Созмони Миллали Муттаҳид оид ба расонидани ёрии ҳуқуқӣ ба занони деҳот семинари омӯзишии «Ҳуқуқи зан дар ҷомеаи имрӯзаи Тоҷикистон» барпо гардид.
Ба кори семинар кормандони мақомоти маҳаллии ҳокимияти давлатӣ, намояндагони ҷамоатҳои деҳот, ташкилоти ҷамъиятӣ ва дигар шахсони масъул ҷалб гардида, масъалаҳои расонидани ёрии ҳуқуқӣ ба занон, таҳкими қонунгузорӣ оид ба таъмини кафолатҳои ҳуқуқии занон ва ҳифзи манфиатҳои бонувон баррасӣ намуданд.
Натиҷаҳои мусбати семинар ва мулоҳизаҳои ҷолиби иштирокдорон мавриди омӯзиш қарор мегиранд.