В. Матвиенко тафтишоти марги тифли панҷмоҳаро зери назорат қарор додааст

Душанбе,28.11.2015.(АМИТ “Ховар”).-Маҳмадсаид Убайдуллоев-раиси Маҷлиси миллии  Маҷлиси Олии Ҷумҳурии Тоҷикистон дар мулоқот бо Валентина Матвиенко -раиси Шӯрои Федератсияи Маҷлиси Федералии Федератсияи Русия қазияи фавти кӯдаки панҷмоҳа Умаралӣ Назаровро  дар шаҳри Санкт-Петербург  матраҳ намуд. Маҳмадсаид  Убайдуллоев ба ҳамтои русаш- Валентина Матвиенко, ки ҷараёни тафтишотро зери назорат қарор додааст, изҳори сипос намуда, зикр кард, ки қазияи марги Умаралӣ Назаров дар доираи қонунгузории Федератсияи Русия ва арзишҳои волои умумибашарӣ дида баромада шавад.