Ваҳдат: мусобиқаҳои варзишии оммавӣ бахшида ба Рӯзи парчам

Ваҳдат, 19.11.2015. (АМИТ «Ховар»).-Дар  муассисаҳои  таълимии шаҳри Ваҳдат  ба ифтихори Рӯзи парчами давлатии Ҷумҳурии Тоҷикистон  ва  бо мақсади  баланд бардоштани фарҳанги сиёсӣ, худшиносиву  худогоҳии миллӣ  ва эҳсоси  ватандӯстиву  меҳанпарастии хонандагон чорабиниҳои фарҳангию сиёсӣ, машваратҳою мизҳои мудавар дар мавзӯъҳои  » Парчам ҳамчун рамзи давлатдорӣ «, » Парчам -рукни  муқаддаси миллӣ » баргузор гардида истодаанд. Ҳамчунин дар ҳудуди ҷамоатҳои  шаҳраку деҳоти шаҳри Ваҳдат бахшида ба Рӯзи парчами давлатӣ мусобиқаҳои варзишии оммавӣ ва  маҷлисҳои тантанавӣ  ҷараён доранд.
Рӯзи 24 ноябри соли 2015 дар маркази шаҳр  бо иштироки зиёда аз 30 ҳазор сокинону меҳмонон роҳпаймоию  маҷлиси тантанавӣ    баргузор мегардад.  Инчунин дар ин рӯз  дар Қасри фарҳанги шаҳр  намоиш ва фурӯши  маҳсулоти қаннодию кишоварзӣ бо нархҳои арзон ва  барномаҳои фарҳангию фароғатӣ ташкил мешаванд.