Ванҷ: Кумаки ҳамватанони муҳоҷир ба ҳамдеҳагон
Душанбе, 12.11.2015 (АМИТ “Ховар”). -Дар ҷамоати деҳоти Техарви ноҳияи Ванҷ вохӯрии кормандони бахши Хадамоти муҳоҷират дар масъалаи омӯзиши забон ва таърихи Русия, риояи қонунҳои амалкунандаи Федератсияи Русия дар самти муҳоҷират, ҷалби ҳамватанони бурунмарзӣ ҳамчун шарикони иҷтимоии рушд ва пешгирии шомилшавии ҷавонон ба ҳизбу ҳаракатҳои ифротгароиву террористӣ бо сокинони ҷамоат доир гардид.
Дар мулоқот раиси ҷамоати деҳоти Техарв Шаша Давлатов зикр кард, ки: «Ба мушкилӣ мувоҷеҳ нагардидани муҳоҷирони меҳнатӣ ба худи онҳо низ вобастагӣ дорад. Масалан, чандин ҳамдеҳагони муҳоҷири мо бо меҳнати ҳалол ва рафтори намунавӣ дар Федератсияи Русия на танҳо зиндагии худро пеш бурдаву вазъи молиявиашонро беҳ гардониданд, балки ба ҳамдеҳагони ниёзманд кумакро дареғ надоштанд. Аз ҷумла, соли равон аз ҷониби Илёс Замонов, сокини ин деҳа, ки дар шаҳри Твери Федератсияи Русия ба соҳибкорӣ машғул аст, ба хоҷагиҳое, ки моҳи июли соли ҷорӣ аз офатҳои табиӣ қисман зарар дида буданд, ба маблағи 500 ҳазор рубли русӣ ва аз ҷониби сокини дигари ин ҷамоат Муминҷон Ширинҷонов, ки ҳоло дар Федератсияи Русия фаъолият дорад, барои таъмири пули деҳаи Чихох 10 ҳазор сомонӣ кумак расонида шуд».
Дар вохӯрӣ масъулини бахши Хадамоти муҳоҷират ба онҳое, ки хоҳиши омӯзиши забон ва таърихи Федератсияи Русия ва қонунҳои амалкунандаи онро доранд, омӯзишро дар курсҳои кӯтоҳмуддат, ки аз ҷониби сохторҳои Вазорати меҳнат, муҳоҷират ва шуғли аҳолии Ҷумҳурии Тоҷикистон ба таври ройгон дар ноҳия таъсис дода шудаанд, тавсия намуданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






