Вазъи хизматрасонии тиббӣ беҳтар мегардад

Кӯлоб, 3.11.2015. (АМИТ «Ховар»).-Дар шаҳру деҳоти Кўлоб муассисаҳои тандурустӣ фаъол гардонида шуда, вазъи хизматрасонӣ хуб роҳандозӣ гардидааст. Маркази вилоятии барқарорсозии саломатӣ дар шаҳри Кўлоб дорои утоқҳои муносиб ва дастгоҳҳои замонавӣ буда, дар он ба муроҷиаткунандагон якчанд намуди табобату хизматрасонӣ пешниҳод мегардад. Ба иттилои директори маркази вилоятии барқароркунии саломатӣ дар шаҳри Кӯлоб Ғанӣ Назаров ҳоло се табиб ва 8 ҳамшираи шафқат дар хизмати мардум қарор доранд.
Бинои корӣ соли равон аз ҳисоби мабалғҳои буҷети мақомоти иҷроияи ҳокимияти давлатии вилояти Хатлон таъмир гардид. Масъулин ният доранд, ки бо ворид намудани дастгоҳу таҷҳизоти муосири табобатӣ шароити хизматрасониро дар марказ боз ҳам беҳтар намоянд.