ВКД: 3 зан бо гумони дуздӣ дастгир гардид

Душанбе, 26.11.2015. (АМИТ «Ховар»). — Ба ШВКД дар ноҳияи Фирдавсӣ зани 31-солаи шаҳри Душанбе муроҷиат намудааст, ки 18-уми  ноябр дар бозори “Корвон”, шахсони номаълум бо роҳи пинҳонӣ аз ҳамёнаш, ки дар дохили он 600 доллари амрикоӣ, 500 сомонӣ ва 3 телефони мобилӣ буд, ҷамъ ба маблағи умумӣ 6000 сомониро дуздида, аз ҷойи ҳодиса ғайб задаанд. Дар натиҷаи гузаронидани чораҳои фаврӣ-ҷустуҷӯӣ кормандони милитсия ҷавондухтари 19-сола, зани 33-солаи ноҳияи Рӯдакӣ ва зани 29-солаи ноҳияи Б. Ғафуровро бо гумони даст доштан дар ҷинояти дуздӣ дастгир намуданд. Нисбат ба далели мазкур парвандаи ҷиноӣ оғоз гардида, тафтиш идома дорад.