ВКД: Мусодираи ҳабҳое, ки моддаҳои психотропӣ доштанд

Душанбе, 07.11.2015. (АМИТ «Ховар»). — 4-уми ноябр зимни гузаронидани чорабиниҳои фаврӣ-ҷустуҷӯӣ кормандони милитсия  сокини 24-солаи ноҳияи Ёвонро бо гумони муомилоти ғайриқонунии маводи нашъадор дастгир намуданд. Дар вақти азназаргузаронӣ аз хонаи истиқоматии гумонбаршуда 42 дона ҳаби рангаш гулобӣ ва 48 адад рангаш сабзчатоб дарёфт ва мусодира шуд. Ташхис муайян сохт, ки ҳабҳои мусодирашуда дар таркибашон моддаи психотропии навъи 3,4-метилендиоксид-метафетамин (МДМА) дошта, вазни умумиашон 24,8 граммро ташкил медиҳанд.
Нисбат ба далели мазкур парвандаи ҷиноятӣ оғоз гардида, тафтиш давом дорад.