Вохӯриҳои ҳайати расмии Тоҷикистон дар ҳошияи Конфронси генералии ЮНЕСКО
Душанбе, 07.11.2015. (АМИТ «Ховар»). — Ҳайати Ҷумҳурии Тоҷикистон, дар баробари иштирок дар кори Конфронси генералии ЮНЕСКО, ҳамчунин барои тақвият бахшидани муносибатҳо бо ин Созмони бонуфуз бо директори Дафтари минтақавии ЮНЕСКО дар Осиёи Марказӣ вохӯрд.
Дар ҷараёни суҳбат масъалаҳои алоқаманд ба ҳамкории бисёрҷониба ва дуҷониба бо ЮНЕСКО баррасӣ гашта, ҳар ду ҷониб омодагиро барои тақвият ва тавсеаи ҳамкории минбаъда изҳор доштанд.
Дар ҷараёни сафар ҳайати Тоҷикистон бо иштироки Сафири Ҷумҳурии Тоҷикистон дар Ҷумҳурии Франсия Ҳомидҷон Назаров, инчунин бо директори осорхонаи миллии Франсия оид ба санъати кишварҳои Осиё хонум Софи Макариу вохӯрӣ намуда, доир ба баргузории намоишгоҳи Тоҷикистон дар Париж табодули назар намуд.
Зимни мулоқот директори осорхона омодагии худро барои сафар ба Тоҷикистон ва шиносоӣ бо осори қадимии кишварамон изҳор намуд.
Бостоншиноси маъруфи фаронсавӣ Франсис Ришар, ки масъули танзими сафари хонум Софи Макариу ба Тоҷикистон мебошад, аҳамияти ҳифзи ёдгориҳои таърихиро таъкид карда, доир ба нақши Президенти Ҷумҳурии Тоҷикистон Эмомалӣ Раҳмон барои эҳёи арзишҳои миллӣ, ҳифзи ёдгориҳои таърихӣ, бунёду барқарорсозии онҳо ва сохтмони осорхонаҳои ҷадид дар қаламрави Тоҷикистон изҳори андеша намуд.
Сафари ҳайати Тоҷикистон дар Ҷумҳурии Франсия идома дорад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
