Афғонистон ба узвияти комили Созмони умумиҷаҳонии савдо қабул шуд

Декабрь 18, 2015 12:11

         Душанбе, 18.12.2015. (АМИТ «Ховар»). — Дар даҳумин нишасти вазирони узви Созмони умумиҷаҳонии савдо (СУС) Афғонистон ба узвияти комили ин созмон пазируфта шуд. Ин конфронс  аз 15-ум то 17-уми декабри соли равон дар шаҳри Найробӣ, пойтахти Кения баргузор шуд. Лозим ба ёдоварист, ки Афғонистон дархост барои узвияти комил дар СУС-ро 11-сол пеш матраҳ карда буд. Пас аз эълони расмии узвияти Афғонистон дар созмони мазкур   Муҳаммадҷон Раҳмонӣ, муовини аввали Раёсати иҷроияи Ҳукумати ин кишвар зимни суханронӣ ин тасмими аъзои созмонро «таърихӣ» хонд ва  изҳор дошт, ки:  узвият дар созмони мазкур бахше аз ҳадафи стратегии Афғонистон барои расидан ба сулҳу субот ва рушди соҳаи иқтисодӣ мебошад. Ӯ гуфт, ки узвияти Афғонистон  дар СУС ба рушди сармоягузорӣ дар ин кишвар кумак мекунад ва    ҳамчунин бо фароҳам шудани заминаи кор барои мардуми Афғонистон, бахусус занон ва ҷавонон метавон аз густариши терроризм дар ин кишвар ҷилавгирӣ кард. 
СУС ба Афғонистн 5 сол муҳлат додааст, то тамоми қонунҳои худро мутобиқ бо меъёрҳои ин созмон бисозад. Афғонистон, ки пеш аз ин ба унвони узви нозир дар ин созмон ҳузур дошт, рӯзи панҷшанбе, 17-уми декабр расман ба унвони узви комили СУС шинохта шуд. 

 

Декабрь 18, 2015 12:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд