Ҳалокати ноболиғон дар садама
Душанбе, 07.12.15. (АМИТ «Ховар»). -6 декабр ронандаи мошини тамғаи “Тайота-Кемри”, сокини 23-солаи ноҳияи Варзоб, ҳангоми ҳаракат аз ноҳияи Ҷиликул ба самти шаҳри Қурғонтеппа дар ҳудуди ноҳияи Ҷ.Румӣ аз уҳдаи идораи мошин набаромада, пиёдагарди ноболиғ, духтарчаи 10-сола, хонандаи синфи 4-уми мактаби таҳсилоти умумӣ, сокини ноҳияи Ҷ.Румиро пахш намудааст. Дар натиҷа духтарчаи ноболиғ, ҷароҳати вазнини ҷисмонӣ бардошта, дар беморхона ба ҳалокат расидааст.
Ҳамчунин дар ин рӯз, ронандаи мошини тамғаи “Опел-Зефира”, сокини 29-солаи ноҳияи Фархор, ҳангоми ҳаракат дар шоҳроҳи Душанбе-Хуҷанд, дар ҳудуди деҳаи Ҷангалак аз уҳдаи идораи мошин набаромада, ба мошини тамғаи “ВАЗ-21099”, таҳти идораи ронанда, сокини 33-солаи ноҳияи Рӯдакӣ бархӯрдааст. Баъдан мошини тамғаи “Опел-Зефира” ноболиғ, писарбачаи 6-сола, хонандаи синфи 1-уми мактаби таҳсилоти умумӣ, сокини ноҳияи Варзобро пахш намуда, сипас ба мошини тамғаи “Камаз”, таҳти идораи ронанда, сокини 35-солаи шаҳри Истаравшан бархӯрдааст. Дар натиҷа писарбачаи ноболиғ ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
