Ҳамоиши ба ифтихори мақоми Пешвои миллат дар Муъминобод

 Муъминобод, 16.12.2015 (АМИТ «Ховар»)- Дар ноҳияи Муъминобод  бо иштироки беш аз 200 корманди  дастгоҳи ноҳия,  ҷавонон, фаъолон, роҳбарони ташкилоту муассисаҳо, соҳаи маорифу тибб ба ҷонибдории  қабули Қонуни ҶТ «Дар бораи Асосгузори сулҳу ваҳдати миллӣ-Пешвои миллат»  маҷлиси васеъ баргузор  гардид. Раиси ноҳия Тоҳирхон Амиршозода  доир ба  фаъолияту садоқат ва сулҳофарии Сарвари давлат Эмомалӣ Раҳмон гуфт, ки  дар даврони истиқлолият  Ҷумҳурии Тоҷикистон аз ҷиҳати иқтисодӣ ва   иҷтимоӣ  тараққӣ карда, сатҳи зиндагии мардум дучанд баланд гардид. 
Инчунин зикр шуд, ки  мо шукргузор аз он ҳастем, ки  ҳам  давлати  орому осоишта дорем ва ҳам парчаме, ки дар тамоми дунё  машҳур   мебошад. Дар ҷараёни маҷлис  роҳбарияти Ҳизби халқии демократии  Тоҷикистон ва дигар роҳбарони ташкилоту муассисаҳо доир  ба ин қонун ҳарф заданд.   Маврид ба зикр аст, ки  раиси ноҳия Тоҳирхон Амиршозода  имрӯз дар майдони Сомонӣ   бо мардуми ноҳия ва рӯзи 17 -уми декабр бо ҷавонони ноҳия чорабинӣ доир менамояд.