Ҳангоми боридани барф паланг Амур ҷояшро ба буз Темур дод
Душанбе, 16.12.2015. (АМИТ «Ховар»). — Ҳайвонҳои машҳури боғи сафарии Приморск паланг Амур ва буз Темур фарорасии ҳавои сардро дар якҷоягӣ истиқбол гирифтанд. Вақте, ки 15 — уми декабр барф борид, паланг Амур ба ҳамҳуҷрааш буз Темур ҷояшро дод. Дар ин бора дар сомонаи боғи сафари гуфта мешавад.
«Имрӯз ба мо муяссар шуд, ки ҳангоми боридани барф ҳодисаи ҷолиберо мушоҳида намоем: Амур хост ба паноҳгоҳаш, ҷое ки аз бориши барфу борон пинҳон мешавад, дарояд, вале Темур дарҳол давида омад ва паланг ақиб гашта, ҷои «Шоҳона»-и худро ба Темур дод», — гуфта мешавад дар сомона.
Ҳайвонҳо дар якҷоягӣ сайру гашт мекунанд, ғайр аз ин Темур одатан Амурро дар назди ҷои хобаш мунтазир мешавад.
Паланг Амур бо буз Темур моҳи ноябр, вақте ки бузро барои хӯрдан ба ӯ оварданд, дӯст шуд. Темур натарсида ба паланг зарба зад ва ҳатто ҷои хобашро низ гирифт. Шуруъ аз ҳамон рӯз ҳайвонҳо ба ҳам унс гирифтанд ва дар қафас бо ҳам як ҷо сайру гашт мекунанд. Аллакай буз ба тақлиди рафтори паланг сар кардааст. Кормандони боғ нияти аз ҳам ҷудо кардани онҳоро надоранд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
