Ба садама дучор шудани мошини рабудашуда

Душанбе, 17.12.2015. (АМИТ «Ховар) -15 декабри соли равон, тахминан соати 19:30 ҷавони 24 солаи сокини ноҳияи Варзоб мошини шахсии тамғаи “Саманд”-и ҳамдеҳаи худ- ҷавони дигари 24- соларо рабуда,  дар ҳудуди ҷамоати деҳоти Варзобқалъаи ноҳияи мазкур ба мошини тамғаи “Лексус-570”, таҳти идораи ронанда, сокини 53-солаи шаҳри Душанбе бархӯрда, ҳаракати худро идома медиҳад. Номбурда дар километри 25-уми роҳи мошингарди “Душанбе-Хуҷанд” аз ҷониби кормандони милитсия дастгир шуд. 
Ҳамин тариқ, ба ШВКД дар ноҳияи Фирдавсӣ марди 23 солаи сокини ноҳияи Рӯдакӣ муроҷиат намудааст, ки 16 декабри соли равон, тахминан соати 13:00 дақиқа шахсони номаълум аз ҳудуди ҷамоати деҳоти Чимтеппа мошини шахсиаш тамғаи “ВАЗ-2106” -ро рабудаанд. Дар натиҷаи гузаронидани чорабиниҳои фаврӣ-ҷустуҷӯӣ кормандони милитсия бо гумони рабудани мошини мазкур, ду ҷавони 18 ва 19- солаи сокинони ноҳияи Рӯдакиро дастгир намуданд. 
Нисбат ба далелҳои мазкур парвандаи ҷиноятӣ оғоз шуда, тафтиш идома дорад.