Барқияи табрикии Эмомалӣ Раҳмон ба Амири Давлати Қатар
Душанбе, 18.12.2015. (АМИТ «Ховар»). — Президенти Ҷумҳурии Тоҷикистон Эмомалӣ Раҳмон ба Амири Давлати Қатар Шайх Тамим ибни Ҳамад Оли Сонӣ барқияи табрикӣ фиристод, ки дар он аз ҷумла омадааст:
«Боиси хушнудии ин ҷониб аст ба Волоҳазрат самимонатарин табрикот ва беҳтарин таманниётро ба муносибати Иди миллии Давлати Қатар ирсол намоям. Аз Худованди таъоло ба Шумо сиҳатмандиву хушнудӣ ва ба кишвари дӯст ҷиҳати пешрафту шукуфоии беш аз пеш таҳти роҳбарии Шумо комёбиҳо орзумандам.
Боварӣ дорам, ки муносибатҳои байни Тоҷикистон ва Қатар дар ростои талошҳои муштарак тавсеа хоҳанд ёфт ва азми самимии ин ҷонибро ҷиҳати идомаи ҳамкорӣ бо Волоҳазрат барои тақвияти робитаҳои дуҷониба дар соҳаҳои гуногун, ки ба суди мардумони бародари мо ва тамоми минтақа аст, таъкид менамоям.
Хоҳишмандам дурудҳои самимӣ ва эҳтироми фоиқаи маро қабул намоед».
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
