Баргузории чорабинӣ бо намояндаи «Ҳаракати ваҳдати миллӣ»

Ваҳдат, 21.12.2015.  (АМИТ «Ховар»). — Бо ибтикори бахши кор бо занон ва оилаи  Мақомоти маҳаллии ҳокимияти давлатии шаҳри Ваҳдат  бо муовини  раиси  «Ҳаракати ваҳдати миллӣ» Рудобаи Мукарам   вохӯрӣ баргузор гардид. Дар чорабинии мазкур  омӯзгорон, донишҷӯён,  хонандагони синфҳои болоӣ, кормандони соҳаи тандурустӣ, мақомоти ҳифзи  ҳуқуқ ва сокинони шаҳр иштирок намуданд. Дар вохӯрӣ Рудобаи Мукаррам  дар бораи истиқлолият  ва ваҳдати миллӣ  суҳбати пурмуҳтаво намуда,  ба саволҳои аҳли нишаст посух дод.
 Муовини раиси шаҳр Фарзона  Хоҷаева дар бораи дастовардҳои  даврони истиқлолият дар шаҳри  Ваҳдат,  мудири бахши кор бо занон ва оилаи  Мақомоти маҳаллии ҳокимияти давлатии шаҳри Ваҳдат  Зарина Одинаева  доир ба баланд бардоштани  мақоми зан дар ҷомеа, маърифати ҳуқуқии занон ва пойдории  оилаҳои ҷавон  сухан гуфтанд.