Баррасии Қонун “Дар бораи Асосгузори сулҳу ваҳдати миллӣ-Пешвои миллат” дар ВКХ
Душанбе, 30.12.2015 (АМИТ «Ховар»).- 28 декабри соли 2015 дар Вазорати корҳои хориҷӣ мулоқоти кормандони вазорат бо вакили мардумӣ, раиси кумитаи сохтори давлатӣ ва худидораи маҳаллии Маҷлиси намояндагони Маҷлиси Олӣ Абдураҳим Холиқзода дар иртибот ба қабули Қонун “Дар бораи Асосгузори сулҳу ваҳдати миллӣ-Пешвои миллат” ва додани унвони баланди Пешвои миллат ба Президенти Ҷумҳурии Тоҷикистон Эмомалӣ Раҳмон баргузор гардид.
Вакили Маҷлиси намояндагон А. Холиқзода доир ба корнамоиҳои шоён ва хизматҳои беназири Президенти Тоҷикистон Эмомалӣ Раҳмон барои миллат ва давлатдории тоҷик сухан гуфта, аз ҷумла зикр намуд, ки дар давраҳои ҳассосу сарнавиштсози таърихӣ на ба ҳар миллат чунин роҳбари оқилу ҷоннисор насиб мегардад. Ҳамчунин вакили мардумӣ А. Холиқзода доир ба мӯҳтавои қонуни мазкур гуфт, ки ҳангоми таҳияи он кулли қавонини байналмилалӣ дар робита ба ҳуқуқи инсон, ҷомеаи шаҳрвандӣ ва идораи давлатӣ мавриди омӯзиш қарор гирифта, қонуни мазкур ба ҳамаи талаботи меъёрҳои байналмилалӣ мутобиқ аст.
Зимни мулоқот чанд нафар аз кормандони вазорат оид ба арзанда будани Президенти Ҷумҳурии Тоҷикистон Эмомалӣ Раҳмон ба чунин унвони Олӣ-Пешвои миллат зикр карданд, ки ба бахти мардуми кишвар Офаридгор дар рӯзҳои пурфоҷеаи охири асри 20 рӯи кору пайкор омадани фарзанди содиқу вафодор, матин ва далеру номбардор- Эмомалӣ Раҳмонро муносиб донист.
Ҳамчунин зикр шуд, ки тавассути хирад, шуҷоату қатъият ва ҷонбозиҳои Президенти Ҷумҳурии Тоҷикистон ва Пешвои миллат Эмомалӣ Раҳмон марзу буми кишвар аз вартаи нестиву ҳалокат эмин монда, рукнҳои фалаҷшудаи давлатдорӣ эҳё гардид, мардуми овораву бечора ба ватан бозоварда шуда, ваҳдату ҳусни тафоҳум дар ҷомеа барқарор гардид.








Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
Дар Норак осоишгоҳи Вазорати корҳои дохилӣ ифтитоҳ гардид
АЗ НАСБИ ПАНЕЛҲОИ ОФТОБӢ ТО ЗАХИРАИ СӮЗИШВОРӢ. Муассисаҳои тандурустии Тоҷикистон ба зимистони солҳои 2026–2027 омода мебошанд
Дар Бохтар бахшида ба Иҷлосияи XVI Шурои Олӣ конференсияи ҳизбӣ баргузор шуд






