Боздиди Р. Раҳимзода аз ноҳияи Рӯшон

Душанбе, 15.12.2015. (АМИТ «Ховар) —  Вазири корҳои дохилӣ Раҳимзода Рамазон Ҳамро дар идомаи сафари корӣ  ба ноҳияи Рӯшон сафар намуда, аз ҷараёни хизматбарии кормандони мақомоти корҳои дохилӣ ва Раёсати корҳои дохилии ВМКБ, ки барои осебдидагон аз зилзилаи минтақаи Бартанги ноҳияи мазкур хизмат мекунанд, дидан  намуд. Ҳайати шахсӣ бо 10 мошини хизматии боркаш ва мусофиркаш таъмин гардида, шароити моддиву маишӣ,  маводи хӯрокию ғизоӣ ва шароити зиндагонии онҳо фароҳам оварда шудааст.
 Бояд тазаккур дод, ки 10 мошини боркашу мусофиркаш дар минтақаи Бартанги ноҳияи Рӯшон барои расонидани молҳои ниёзи мардум ба осебдидагони офати табиӣ хизмат расонида истодаанд.
 нчунин баҳри хизматбарӣ ва ҳамкорӣ бо мардум ба Шуъбачаи минтақавии ҷамоати деҳоти Бартанги ноҳияи Рӯшон 1 мошини нави хизматии «Нива» вобаста карда шуд.