Боздошт барои ғайриқонунӣ буридани дарахт

Душанбе, 7.12.2015. (АМИТ «Ховар»).-Зимни гузаронидани чорабиниҳои фаврӣ-ҷустуҷӯӣ кормандони милитсия сокини 51-солаи ноҳияи Ғончиро бо гумони ғайриқонунӣ буридани дарахт дастгир намуданд.
Бино ба итиилои Вазорати корҳои дохилии ҶТ муайян карда шуд, ки номбурда 1 декабр ғайриқонунӣ аз мавзеи “Мирамар”-и кӯҳсори деҳаи  Овчӣ 11 дарахти арчаро бидуни ҳуҷҷатҳои дахлдор бурида, ба Муассисаи давлатии хоҷагии ҷангали ноҳия ба маблағи 3 ҳазору 680 сомонӣ зарари моддӣ расонидааст.
Ҳамчунин дар ин рӯз зимни чорабиниҳои дигари фаврӣ-ҷустуҷӯӣ кормандони милитсия сокини 43-солаи ноҳияи Ғончиро бо гумони ғайриқонунӣ буридани дарахт дастгир карданд, ки номбурда  аз мавзеи “Шабири калон”-и кӯҳсори деҳаи Овчӣ 17 дарахти арчаро бидуни ҳуҷҷатҳои дахлдор бурида, ба Муассисаи давлатии хоҷагии ҷангали ноҳия ба маблағи 3 ҳазору 920 сомонӣ зарари моддӣ расонидааст.
Нисбат ба далелҳои мазкур парвандаи ҷиноятӣ оғоз гардида, тафтиш идома дорад.