Бозгашти шаҳрвандони ноболиғи Тоҷикистон ба Ватан

Декабрь 1, 2015 07:08

Душанбе, 01.12.15. (АМИТ «Ховар»). – Бо  мусоидати Хадамоти  консулии  сафорати  Тоҷикистон  дар  Федератсияи  Русия ва кормандони қабулгоҳи   ноболиғони Хадамоти эҳтиётии  ВКД  Тоҷикистон  чор  нафар  шаҳрвандони  ноболиғи  кишвар  ба  Ватан   фиристода шуданд. Ин  кӯдакони  ноболиғро   модаронашон  баъди таваллуд  дар  таваллудхонаҳои  Федератсияи  Русия  партофта  рафтанд. 
Мувофиқи  паймони  ҷонибҳо кормандони  мақомоти  салоҳиятдори кишвари  будубош  кӯдакони  ноболиғ Я.Қуҷқоров, К.Муродбеков, З.Норматов  ва А.Ҳотамовро ба Хадамоти  консулии  сафорат оварда, баъди ба  расмият  даровардани  ҳуҷҷатҳои  дахлдор  ба қабулгоҳи  ноболиғони Хадамоти   эҳтиётии ВКД  Ҷумҳурии  Тоҷикистон  супурда шуданд. 
Кӯдакон  мутобиқи  талабҳои  Конвенсияи Кишинёв дар  бораи  ҳамкории   давлатҳои   аъзои  ИДМ дар  мавриди  баргардонидани ноболиғони  кишвар  ба  ҷойи  доимии  сукунат  ба  Тоҷикистон  фиристода шуданд.
Ба  гуфтаи роҳбари  Хадамоти  консулии  сафорати  ҶТ  дар  ФР  Ашраф  Гулов,  масъалаи  ба  Ватан  фиристодани  боз  як  шаҳрванди ноболиғи  Ҷумҳурии  Тоҷикистон  Т.Асроров  мавриди баррасӣ қарор  дошта, масъалаи  бозгашти  вай  ба  Ватан рӯзҳои  наздиктарин  ҳал  карда мешавад.

Декабрь 1, 2015 07:08

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд