Бунёди мактаби нав дар Шӯрообод

Шӯрообод, 10.12.2015 (АМИТ «Ховар»).-Дар ноҳияи Шӯрообод  сохтмони мактаби  замонавӣ  барои 380   хонанда бо маблағгузории  Бонки рушди Арабистони Саудӣ оғоз гардид. Бино ба иттилои сардори қитъаи сохтмонӣ Ғуломалӣ Боев   бинои мактаб  аз ду ошёна ва 64  синфхона иборат буда, инчунин дар дохили бино сохтмони ошхона, толори варзишӣ, утоқи истироҳатии мактаббачагон,  хонаи  омӯзгорон ва  синфҳои компютерӣ ба нақша гирифта шудааст. 
Дар ҳолати пурра анҷом ёфтани бино аз 200 то 250 нафар сохтмончӣ бо ҷои кор таъмин   мешаванд.  Маблағи умумии сохтмони мактаб 1 млн. 500 доллари амрикоиро дар бар гирифта, масъулини сохтмон тасмим гирифтаанд то моҳи сентябри соли 2017 мактаби мазкурро бо сифати баланд  ба истифода диҳанд.