Чорабинии фарҳангӣ ба муносибати Соли оила

Декабрь 25, 2015 12:32

Хуҷанд, 25.12.2015. (АМИТ «Ховар»). -24-уми декабр дар Қасри Арбоб бо иштироки раиси вилояти Суғд Абдураҳмон Қодирӣ ҷамъомади тантанавӣ баргузор гардид. Дар чорабинии фарҳангӣ, ки ба муносибати Соли оила, Соли рушди фарҳанг ва гулҳо, идомаи соли роҳҳои обод баргузор шуд, муовинони раиси вилоят, муовинони раисони шаҳру ноҳияҳо оид ба масъалаҳои иҷтимоӣ, мудирони шуъбаҳои кор бо занон ва оилаи мақомоти иҷроияи шаҳру ноҳияҳои вилоят, шӯрои фаъолзанони вилоят, кормандони соҳаҳои гуногун, ғолибони озмунҳо ва оилаҳои намунавӣ ширкат варзиданд.
Раиси вилоят Абдураҳмон Қодирӣ зимни суханронии худ аз нақши Пешвои миллат Эмомалӣ Раҳмон дар пешрафти самтҳои мухталифи хоҷагии халқ ёдоварӣ намуда, қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат»-ро иқдоми наҷиб арзёбӣ кард ва ҳамчунин дар идомаи суҳбат доир ба Соли оила андешаронӣ намуда, таъкид дошт, ки эълон гардидани соли 2015 ҳамчун  Соли оила тавонист дар паст кардани сатҳи никоҳи хешутаборӣ, пойдории оилаҳои ҷавон ва тарбияву ба камол расонидани оилаҳои намунавӣ заминаи хубро ба вуҷуд орад.
Зикр гардид, ки танҳо дар самти рушди ҳунару анъанаҳои миллии ниёгон дар  соли ҷорӣ дар шаҳру ноҳияҳои вилояти Суғд 130 марказҳои ҳунаромӯзӣ фаъол гардонида шуд, ки дар он 370 дастгоҳҳои қолинбофӣ насб гардиданд. Ҳоло танҳо дар марказҳои қолинбофӣ 170 нафар занони хонашин бо шуғли доимӣ фаро гирифта шудаанд ва онҳо дар баробари идомаи ҳунари қолинбофӣ ба 1000 нафар шогирдони худ нозукиҳои ин ҳунари аҷдодиро меомӯзонанд. 

Декабрь 25, 2015 12:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд