Дар ҷараёни амалиёти охирин дар Афғонистон 43 силоҳбадаст кушта шуд

Душанбе, 22.12.15. (АМИТ «Ховар»). —  Қувваҳои   амниятии  Афғонистон  амалиётро  барои   нест  намудани  силоҳбадастон  дар  вилоятҳои  ноороми кишвар  вусъат  бахшида,  дар  ҷараёни  муҳорибаҳои охирин 43  нафар ҷангиёнро  нест  намуданд. Назар  ба  иттилои  Синхуа, Вазорати  мудофиаи  Афғонистон  рӯзи  душанбе  дар  ин  бора хабар  додааст.
«Артиш,  пулис  ва   кормандони  иктишофоти  Афғонистон  тайи  24  соати охир  дар   ҳашт  вилоят  амалиёти  поккориро  роҳандозӣ  намуда,  43  силоҳбадасти мусаллаҳро  нест,  якчанд  нафари онҳоро  захмӣ   ва 9 нафарашонро  дастгир  намуданд», —  гуфта  мешавад  дар  изҳороти  вазорат.
Дар  ҷараёни амалиёт  чор  нафар  хидматчиёни  ҳарбии  Афғонистон  низ  ҳалок  гардиданд.