Дар натиҷаи заминларза 212 сар чорво ҳалок шуд

Декабрь 14, 2015 12:08

Душанбе, 14.12.2015. (АМИТ «Ховар»). -Мувофиқи маълумоти ситод оид ба ҳолатҳои фавқулодда ва мудофиаи граждании вилояти Бадахшон, аз тарафи комиссияҳои ҳолатҳои фавқулоддаи шаҳру ноҳияҳои вилоят, вазъият дар ҳудуди шаҳру ноҳияҳои аз заминларза зарардида, то  соати 16:00 -и рўзи 13 декабри соли 2015 дар шаҳри  Хоруғ 11 хонаи истиқоматӣ, 1 донишгоҳ, 3 муасисаи таълимӣ, 2 кўдакистон, 1 бинои маданию маишӣ ва 1 бинои маъмурӣ қисман зарар дидааст. 
Маблағи умумии зарар дар шаҳри Хоруғ 263 ҳазору 493 сомониро ташкил дод.
Дар ноҳияи Шуғнон мувофиқи маълумот 28 хона пурра ва 189 хона қисман зарар дидаанд. Инчунин 15 мактаб (аз ҷумла 1 адад пурра), 2 хонаи фарҳанг, 1 маркази саломатӣ, 1 бунгоҳи тиббӣ ва 1 мағоза қисман ва бинои фермаи чорводории мавзеи Гармчашма пурра зарар дидаанд. 
Бино ба иттилои котиби матбуотии кумита Ориф Нозимов, дар ноҳияи Дарвоз мувофиқи маълумот 3 хонаи истиқоматӣ ва 1 бинои хонаи фарҳанг қисман зарар дидаанд.
Дар ҳудуди ноҳияи Ванҷ 2 хона пурра ва 27 хона қисман зарар дидаанд.
Дар  ҳудуди ноҳияи Рўшон мувофиқи маълумот 128 хона пурра ва 337 хона қисман зарар дидаанд. Инчунин 5 бинои мактаб (аз ҷумла 1 пурра), 3 хонаи фарҳанг, 1 неругоҳи барқии хурд, 1 китобхона пурра ва 2 китобхона қисман, 3 маркази саломатӣ (аз ҷумла 1 адад пурра), 1 бунгоҳи тиббӣ ва 1 бинои маҷлисгоҳ қисман зарар дидаанд. 
О. Нозимов илова намуд, ки дар натиҷаи заминларза 212 сар чорво ҳалок шудааст. 
Маълумот метавонанд бо гузашти вақт дигаргун шаванд, чунки гурўҳҳои кории таъсисдодаи мақомот ба баъзе ҷойҳои аз офат зарардида нав расида истодаанд.

Декабрь 14, 2015 12:08

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд