Даргузашти Шарофиддин Сайфиддинов

Душанбе, 25.12.2015. (АМИТ «Ховар»). — Cубҳи имрӯз Ҳунарпешаи халқии Тоҷикистон, дорандаи Ҷоизаи давлатии ба номи Абӯабдулоҳи Рӯдакӣ Шарофиддин  Сайфиддинов дар синни 86 аз олам даргузашт. 
Шарофиддин  Сайфиддинов соли 1929 таваллуд шуда, хатмкардаи Консерваторияи давлатии шаҳри Маскав мебошад.
Ӯ муаллифи аввалин операи тоҷикӣ бо номи «Пӯлод ва Гулрӯ» аз рӯи романи Раҳим Ҷалил бар матни Файзулло Ансорӣ буда, операи «Рӯдакӣ» ва «Садриддин Айнӣ» низ аз асарҳои маъруфи ин композитори тоҷиканд. 
Ёдовар мешавем, ки Шарофиддин  Сайфиддинов аз соли 1961 то соли 1986 ба ҳайси раиси Иттифоқи композиторони Тоҷикистон фаъолият кардааст.