Дастгир гардидани нашъаҷаллоб дар ноҳияи Рӯшон
Душанбе, 21.12.2015 (АМИТ «Ховар»).- 19 декабри соли равон ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия дар дидбонгоҳи доимии кӯпруки Бартанги ноҳияи Рӯшон, мошини тамғаи “Ландкрузер”, таҳти идораи ронанда, сокини 42-солаи шаҳри Хоруғ боздошт шуд. Дар вақти азназаргузаронии мошини мазкур аз дохили борхалтаи мусофири он, сокини 41-солаи шаҳри Норак 1 килою 210 грамм маводи нашъадори ҳашиш дарёфт ва мусодира шуд.
Ҳамчунин дар ҳудуди шаҳри Истаравшан кормандони милитсия дар натиҷаи гузаронидани чорабиниҳои фаврӣ-ҷустуҷӯӣ сокини 50-солаи ноҳияи Вахшро бо гумони гардиши ғайриқонунии маводи мухаддир дастгир намуданд. Ҳангоми кофтукови шахсӣ аз гумонбаршуда 950 грамм маводи нашъадори афюн дарёфт ва мусодира гардид.
Нисбат ба далелҳои мазкур парвандаи ҷиноятӣ оғоз шуда, тафтиш идома дорад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
