Директори КМТ: Фарҳанги миллии тоҷикиро пос доред

Душанбе, 11.12.2015 (АМИТ «Ховар»).- «Миллати тоҷик миллати фарҳангдида буда, миллатест, ки аз умқи таърих сарчашма гирифтааст. Гузаштагони мо дар муддати таърихи 6-7 ҳазорсолаи худ чандин намунаҳои фарҳангиро аз худ мерос гузоштаанд ва мутаассифона, бар асари ҳаводиси таърих аксарияти  ин намунаҳои фарҳангӣ нобуд шуданд. Вале фарҳанг дидан ирсӣ аст, аз ин рӯ,  халқи тоҷик ирсан ва таърихан фарҳангдӯстдор мебошад. Имрӯз, ки мо дар даврони истиқлол давраи осоиштагӣ ва бунёдкориро аз сар мегузаронем эҳёи фарҳанги миллию воло шуруъ гардидааст», — гуфт директори Китобхонаи миллии Тоҷикистон Сайфиддин Назарзода дар  озмуни «Дастони моҳир», ки  имрӯз бахшида ба Соли оила  ва фарҳанги либоспӯшии ҷавонон таҳти унвони «Фарҳанги миллӣ ва оилаи солим»  дар Китобхонаи миллии Тоҷикистон баргузор гардид.