ДМТ: Сифати моддиву техникии расонаҳо бояд баланд бардошта шавад

Душанбе, 4.12.2015. (АМИТ «Ховар»).-5- уми декабр дар факултаи журналистикаи Донишгоҳи миллии Тоҷикистон  конфронси ҷумҳуриявӣ таҳти унвони «Матбуоти даврӣ ва журналистикаи чандрасонаӣ: мушкилот ва дурнамо»  баргузор мегардад.
Дар конфронси мазкур  ректори Донишгоҳи миллӣ Имомзода Маҳмадюсуф маърӯза мекунад. Ҳамчунин  аз тарафи профессори донишгоҳ Муқим Муқимов дар мавзӯи  «Мушкилоти рушди журналистикаи чандрасонаӣ дар Тоҷикистон», мудири кафедраи матбуоти факултаи журналистика, профессор Мурод Муродов доир ба масъалаи «Проблемаҳои таълими касбӣ дар шароити шаклгирии журналистикаи чандрасонаӣ», магистри Донишгоҳи миллӣ Анҷум Маҳмуд Аҳмад оид ба «Рушди журналистикаи чандрасонаӣ дар Ҷумҳурии исломии Покистон» маърӯзаҳо хонда мешаванд ва дигар устодону донишҷӯёни факулта низ оид ба паҳлӯҳои гуногуни журналистикаи чандрасонаӣ  сухан мегӯянд.