«Фарҳанги миллӣ ва оилаи солим»-озмун оид ба фарҳанги либоспӯшӣ

Душанбе, 10.12.2015 (АМИТ «Ховар»).- Барои  баланд бардоштани мафкураи миллии ҷавонон  ва тараннуми ҳисси ватандӯстӣ 11 декабр дар толори Ошёни булбулони Китобхонаи миллии Тоҷикистон бахшида ба соли оила озмуни дастони моҳир ва фарҳанги либоспўшии ҷавонон зери унвони «Фарҳанги миллӣ ва оилаи солим» доир мегардад. 
Бино ба гуфтаи  сардори шуъбаи тарғиб ва баргузории чорабиниҳои фарҳангии Китобхонаи миллии Тоҷикистон Ҷалолиддин Нуров дар чорабинии мазкур 400 донишҷӯёну устодони Донишгоҳи миллии Тоҷикистон, Донишгоҳи давлатии омўзгории Тоҷикистон, Донишкадаи давлатии забонҳо ва Коллеҷи варзишӣ иштирок менамоянд.
Дар назар аст, ки  дар чорабинии мазкур директори китобхонаи миллии Тоҷикистон Сайфиддин Назарзода ва директори Литсейи дӯзандагии шаҳри Душанде Дилором Ҳусейнова сухан мегӯянд.
Ҳамчунин аз ҷониби хонандагони Литсейи дўзандагии шаҳри Душанде либосҳои миллӣ зимни қироати шеърҳои ватандўстона намоиш дода мешаванд