Фархор: ҳадаф- пешгирии омилҳои номатлуби иҷтимоӣ

Фархор, 30.12.2015. (АМИТ «Ховар»). — Дар ноҳияи Фархор бо иштироки васеи занону духтарони фаъол маҷлиси аъзои шӯрои занон гузаронида шуда, мудири шуъбаи мазкур Фариштамоҳ Абдуллоева дар мавриди ҷалби занон ба корҳои ҷамъиятӣ, роҳандозии вохӯриҳо бо сокинони ҷамоатҳои шаҳраку деҳоти ноҳия оид ба пешгирии омилҳои номатлуби иҷтимоӣ миёни аҳолӣ, аз қабили шомилшавӣ ба ҳизбу ҳаракатҳои иртиҷоӣ, ҷинояткорӣ, худкушӣ, худсӯзӣ ва дигар ҳаракатҳои ғайриқонунӣ мавриди баррасӣ қарор гирифтанд. Ҳамчунин доир ба Соли оила эълон шудани соли 2015 ва дар ин замина пешгирии никоҳи хешутаборӣ ва пошхӯрии оилаҳои ҷавон, бемориҳои сирояткунандаи ВИЧ/СПИД, нашъамандию нашъаҷаллобӣ сухан рафт. Таъкид шуд, ки баҳри бартарафсозии ин мушкилот зарур аст, ки ҳамкориро бо мақомоти ҳифзи ҳуқуқ боз ҳам зичтар намоянд.