Файзобод: Муассисаи таълимии № 24 ба номи Исмоил Пиров гузошта шуд
Файзобод, 30.12.2015. (АМИТ «Ховар»). — Бо қарори Маҷлиси вакилони халқи ноҳияи Файзобод муассисаи таълимии рақами 24 — и деҳаи Сари сафедхок ба номи Исмоил Пиров гузошта шуд. Шодравон Исмоил Пиров зодаи деҳаи Сари сафедхоки ноҳияи Файзобод буда, хатмкардаи ҳамин таълимгоҳ буд. Пас аз хатми таълимгоҳи мазкур донишҷӯи Донишгоҳи аграрии шаҳри Душанбе гардид. Фаъолияти Исмоил Пиров аз ШБДА-и шаҳри Душанбе оғоз гардида, ӯ то лаҳзаҳои охирини умр пайи хизмати содиқона дар ҳамин ниҳоди кудратӣ фаъолият дошт.
Субҳи 4 сентябри соли 2015 ӯ ҳангоми муқовимат бо гурӯҳҳои хиёнатпешаи А. Назарзода ба ҳалокат расид ва бо фармони Президенти мамлакат пас аз марг бо медали «Ҷасорат» мукофотонида шуд.
Устодону ҳаммактабиён барои пос доштани номи неки ин ҷавонмарди қаҳрамон таклиф намуданд, ки муассисаи таълимӣ ба номи Исмоил Пиров гузошта шавад ва он аз ҷониби маҷлиси вакилони халқи ноҳия бо қаноатмандӣ пазируфта шуд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
