Файзобод : Туҳфаҳои солинавӣ ба маъюбону бесаробонон

Файзобод, 31.12.2015 (АМИТ «Ховар»)- Раиси ноҳияи Файзобод Раҷабзода Миралӣ бахшида ба соли нави мелодӣ ба дидори маъюбон, иштирокдорони ҶДҶ ва ятимони ранҷур рафта. ба онҳо туҳфаҳои идона тақдим кард. Честиякова Надеждаи маъюби бемор аз чунин ғамхориҳои Пешвои миллат Эмомалӣ Раҳмон шод гашта, дар ҳузури раиси ноҳия минатдории хешро ба Сарвари давлат баён намуд. Инчунин бо супориши раиси ноҳия, раисони ҷамоатҳои шаҳраку муваззаф шуданд, ки ба оилаҳои ятимдор, бесаробон, маъюбон ва оилаҳои камбизоат туҳфаҳои идонаи Мақомоти иҷроияи ҳокимияти давлатии ноҳияро расонда, аз шароити зиндагияшон бохабар шаванд.
Ҳамзамон дар арафаи соли нави мелодӣ Мақомоти иҷроияи ҳокимияти давлатии ноҳияи файзобод ба қисми низомии 12019-и Вазорати мудофиаи Ҷумҳурии Тоҷикистон маводи хӯрокии идона тақдим намуданд.