Хизматрасонии тиббӣ дар Балҷувон

  Балҷувон, 19.12.2015. (АМИТ «Ховар»). -Беморхонаи марказии ноҳияи Балчувон аз соли 1996 то инҷониб фаъолият дошта, кормандони соҳа ба аҳолӣ хизмати босифати тиббӣ мерасонанд.  Беморхонаи мазкур дорои 4 шуъба, таваллудхона, амрози даруна, шуъбаи ҷарроҳӣ ва кӯдакона мебошад. Тазаккур бояд дод, ки беморхонаи номбурда аз соли фаъолият то кунун таъмири асосиро надида бинои муассиса дар ҳоли ногувор қарор дорад. Ҳаминро ба инобат гирифта Вазорати тандурустӣ ва ҳифзи иҷтимоии аҳолии Ҷумҳурии Тоҷикистон соли 2013- ум иқдом гирифт, ки барои сокинони ин диёр бинои наву замонавӣ муҷаҳҳаз бо лавозимоту шароитҳои зарурии тиббиро сохта ба истифода диҳанд.  Баъди ба истифода қарор гирифтани иншооти замонавӣ шароити кории кормандони соҳа беҳ гардида, ҳамаи намуди бемориҳо дар ин муассиса муолиҷа мешаванд.
    Рушди инфрасохтори соҳаи тандурустӣ нисбати чанд соли қаблӣ беҳтар гардида ин раванд дар муассисаҳои тиббии ноҳияи Балчувон давра ба давра амалӣ мегардад.  Бино ба иттилои масъулин дар соли ҷорӣ шумораи бемориҳои сироятӣ кам гардида, норасоии кадрӣ то як андоза ҳали пурраи худро ёфта истодааст.