ИМА: ҳаҷми қочоқи нафт аз ДИ ба Туркия «ночиз аст»

Декабрь 5, 2015 06:09

Душанбе, 5.12.2015 (АМИТ «Ховар»).- ИМА ба изҳороти Русия дар бораи он, ки террористони «Давлати исломӣ» аз қаламрави Сурия ба Туркия ҳаҷми калони нафтро ба таври қочоқ мегузаронанд, розӣ нест. «Аз рӯи арзёбии мо, ҳаҷми қочоқи нафт байни ноҳияҳои зери назорати ДИ барои Туркия ночиз аст», — иттилоъ дод 4 декабр як мақоми баландпояи Департаменти давлатии ИМА.
Ба таъкиди ин намояндаи Департаменти давлатӣ, қариб ҳамаи нафти дар қаламрави Сурия истихроҷшуда дар дохили худи кишвар, ки он ҷо корхонаҳои саноатӣ ва нақлиёт фаъол аст, истеъмол мешавад. Бино ба изҳороти ин дипломат, қисме аз ин нафтро «худи режими» Башор Асад мехарад ва қисми дигараш дар корхонаҳои софкории нафти марбут ба ДИ баъди коркард  бензин ва сӯзишвории дизелӣ мешаванд.
Аз рӯи баъзе арзёбиҳо, дар минтақаҳои зери назорати террористон, дар як рӯз то ба 1,5 миллион доллари ИМА нафт истихроҷ мешавад, ки ин даромади аслии ДИ маҳсуб мешавад. Бо вуҷуди ин, дар Вашингтон муътакид бар онанд, ки дар натиҷаи зарбаҳои ҳавопаймои Амрико ба нуқтаҳои ҷамъоварии нафт, мошинҳои сӯзишворӣ ва инфрасохтори нафт дар ҳафтаҳои охир истихроҷи нафт дар ин минтақаҳо ба таври назаррас коҳиш ёфт.
Дар робита ба шарҳи наворҳои Ситоди кулли Русия, ки корвони мошинҳои нафтбарро аксбардорӣ кардааст, намояндаи Департаменти давлатӣ изҳор дошт: «Ин суратҳо, бешубҳа, қалбакӣ нестанд, вале баъзе аз онҳо кӯҳнаанд».

 

Декабрь 5, 2015 06:09

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд