ИМА: нафти ДОИШ-ро Туркия ва Сурия харидорӣ мекунанд

Душанбе, 11.12.2015 (АМИТ «Ховар»). -Гурӯҳи террористии ба ном «Давлати исломӣ» метавонад аз фурӯши нафт дар як моҳ тақрибан 40 миллион доллари ИМА ба даст орад, — изҳор дошт муовини вазири молияи ИМА оид ба мубориза бо терроризм ва иктишофи молиявӣ Адам Шубин. 
«Харидорони нафти гурӯҳи террористии ба ном «Давлати исломӣ» Туркия ва Сурия мебошанд», — таъкид кард ӯ.
«ДОИШ аз фурӯши нафт ба низоми Башор Асад даромади хеле калон ба даст меорад ва қисми нафт тавассути сарҳад ба Туркия интиқол дода мешавад», — гуфт А. Шубин зимни суханронӣ дар Донишкадаи муносибатҳои байналмилалии Шоҳигарӣ дар Лондон.
Бо вуҷуди ин, ӯ илова намуд, ки ДОИШ метавонад аз фурӯши нафт дар як моҳ тақрибан 40 миллион доллари ИМА ба даст орад.