Ироқ аз ША СММ таъҷилан баровардани неруҳои Туркия аз қаламрави Ироқро дархост кард
Душанбе, 12.12.2015 (АМИТ «Ховар»).- Ироқ ба Шӯрои амнияти СММ бо дархости таъҷилан баровардани неруҳои Туркия аз қаламрави худ, ки ба сифати «дағалона вайрон кардани» Низомномаи СММ фаҳмида мешавад, мактуб ирсол намуд. Дастрас гардидани муроҷиати расмиро рӯзи ҷумъа намояндаи доимии ИМА дар ин созмони ҷаҳонӣ Саманта Пауэр, ки иҷрокунандаи раисии Шӯрои амнияти СММ-ро дар моҳи декабр бар дӯш дорад, ба журналистон тасдиқ намуд.
Дар мактуб, ки нусхаи он дар матбуот нашр шудааст, Бағдод аз Шӯрои амнияти СММ хоҳиш намудааст, ки: «тақозо мешавад, то ки Туркия фавран неруҳояшро барорад», ҳамчунин «минбаъд соҳибистиқлолии Ироқро халалдор насозад». «Ин ба сифати дағалона вайрон кардани асосҳои Низомномаи СММ, ҳамчунин вайрон кардани тамомияти арзӣ ва истиқлолияти давлатии Ироқ фаҳмида мешавад», — омадааст дар мактуби намояндаи доимии Ироқ Муҳаммад Алӣ ал-Ҳаким.
Тавре ки Пауэр иттилоъ дод, дипломати ироқӣ барои даъвати мулоқоти таъҷилии Шӯро барои муҳокимаи мудохилаи низомии Туркия аз ӯ дархост накардааст.
Хонум Пауэр гуфт, ки ӯ «барои идомаи муколама миёни Ироқу Туркия бо мақсади ҷустуҷӯи ҳалли сулҳомези вазъи кунунӣ даъват кардааст».
Рӯзи ҷумъа Президенти Туркия Раҷаб Тайип Эрдуғон дар мусоҳибаи шабакаи телевизионии «Ал-Ҷазира» муроҷиати ҳукумати Ироқро ба ША СММ дар робита ба ҷойгир кардани ҳарбиёни Туркия дар шимоли Ироқ «қадами бевиҷдонона» номид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






